• KHI: Zuhr 12:28pm Asr 5:08pm
  • LHR: Zuhr 11:59am Asr 4:48pm
  • ISB: Zuhr 12:04pm Asr 4:56pm
  • KHI: Zuhr 12:28pm Asr 5:08pm
  • LHR: Zuhr 11:59am Asr 4:48pm
  • ISB: Zuhr 12:04pm Asr 4:56pm

وزیراعظم اور صدر مملکت کی ملاقات، بدلتی صورتحال پر تبادلہ خیال

شائع May 10, 2025
— فوٹو: ڈان نیوز
— فوٹو: ڈان نیوز

صدر مملکت آصف علی زرداری سے وزیراعظم محمد شہباز شریف نے ایوان صدر میں ملاقات کرکے بھارتی جارحیت، پاکستان کے آپریشن ’بنیان مرصوص‘ کی صورت میں بھارت کو دیئے جانے والے موثر جواب بارے آگاہ کیا۔

ڈان نیوز کے مطابق ملاقات میں نائب وزیراعظم و وزیر خارجہ سینیٹر اسحٰق ڈار اور وزیر قانون و انصاف سینیٹر اعظم نذیر تارڑ بھی موجود تھے۔

صدر مملکت نے بھارتی جارحیت، میزائل حملوں کا منہ توڑ جواب دینے پر مسلح افواج کی غیر معمولی پیشہ ورانہ مہارت اور بہادری کو سراہا۔

وزیراعظم شہباز شریف اور صدر مملکت کی ملاقات میں بدلتی صورتحال پر تبادلہ خیال کیا گیا۔

صدر مملکت نے کہا کہ پاکستان نے ایک ذمہ دار، امن پسند قوم کی حیثیت سے بھارتی اشتعال انگیزیوں کے مقابلے میں کافی تحمل کا مظاہرہ کیا۔

انہوں نے کہا کہ افسوس کہ بھارتی جارحیت کی وجہ سے پاکستان کے پاس اپنی خودمختاری کے دفاع کافیصلہ کن جواب دینے کے سوا کوئی چارہ نہیں بچا۔

صدر مملکت نے کہا کہ پوری پاکستانی قوم متحد ہے اور بھارتی جارحیت کے مقابلے میں اپنی مسلح افواج کی بھرپور حمایت کرتی ہے، پاکستان ملکی خودمختاری اور علاقائی سالمیت کا ہر قیمت پر دفاع کرے گا۔

1000 حروف

معزز قارئین، ہمارے کمنٹس سیکشن پر بعض تکنیکی امور انجام دیے جارہے ہیں، بہت جلد اس سیکشن کو آپ کے لیے بحال کردیا جائے گا۔

کارٹون

کارٹون : 10 مئی 2025
کارٹون : 9 مئی 2025
OSZAR »